Mötst di nich argern, hett keinen Wiert, ...

[-sd-]

----------------------------------------------

Mötst di nich argern,
Hett keinen Wiert,
Mötst di blot wunnern,
Wat all passiert.
Mötst ümmer denken,
De Lüd sünd nich klook,
Jeder hett Grappen,
Du hest se ok.

Mötst di nich argern,
Hett keinen Sinn,
Ward di blot schaden
Un bringt di nix in,
Ward an di fräten
As Qualm un Rook.
Is't nahst vergäten,
Büst grad so klook.

Mötst di nich argern,
Is Unrecht di dahn,
Haug mal up'n Disch
Un glieck is't vergahn.
Kort is dien Leben
Un lang' büst du dod,
Minsch, blot nich argern,
Ne, lachen deit good !

Rudolf Tarnow
* 25. Februar 1867 in Parchim;
+ 19. Mai 1933 in Schwerin
war ein plattdeutscher Schriftsteller.

----------------------------------------------